कथेसर

राजस्थानी कविता संग्रै ‘रणखार’ सारू साहित्य अकादेमी युवा पुरस्कार विजेता अर वर्तमान में नागौर जिला कलेक्टर डॉ. जितेंद्र कुमार सोनी री राजस्थानी भासा में अेक और महताऊ कृति—

भणाई रो मारग

इण पोथी में है महात्मा गांधी रै शिक्षा रै माध्यम संबंधी ​लेखां अर भासणां रो राजस्थानी उल्थो। रामस्वरूप किसान मुजब— इण पोथी रो राजस्थानी मांय आवणो अणमोल्यै धन रो आवणो है। क्यूंकै आ पोथी हियै च्यानणो करै। आ बां लोगां री आंख खोलै जिकां री दीठ में ‘अंग्रेजी’ हाथी रो पग है। आ मातभासा रै महतव नै परगटै। ओ गांधीजी रो भोग्योड़ो जथारथ है। मातभासा रै अलावा भणाई रो कोई बीजो मारग हो ई नीं सकै। अर जे है तो भणेसरयां सारू इणसूं बडो कोई डंड नीं हो सकै। अंग्रेजी मारग सूं भणाई करणो तो घण सूं जांटी काटणो है। का पछै फूट्योड़ै डोल सूं कूवो बावणो।